NBT Group yaqinda Qozogʻistonning Olmaota shahrida boʻlib oʻtgan USAIDning mintaqaviy suv va atrof-muhit loyihasi doirasida grant oluvchilar forumida ishtirok etdi! Ushbu tadbir Markaziy Osiyoda suv resurslarini boshqarishni takomillashtirish bilan shug’ullanadigan asosiy manfaatdor tomonlarni birlashtirdi.
Forumda USAID loyihasining grant dasturining muhim yutuqlari taʼkidlanib, 2021-yildan buyon Markaziy Osiyo boʻylab amalga oshirilayotgan 16 ta muvaffaqiyatli grantlar namoyish etildi. Ushbu grantlar muhim sohalarga, shu jumladan, taʼlim berish va o’qitish, amaliy tadqiqotlar va treninglar orqali salohiyatni oshirish, xususiy sektorni jalb qilish va marginallashgan jamoalarni imkoniyatlarni kengaytirishga qaratilgan.
NBT Group nomidan ma’ruzachi sifatida Sergey Kim suv resurslari sektorida AMTB metodologiyasini tayyorlash va yangilash bo’yicha tajribamiz bilan bo’lishish imkoniga ega bo’ldi. Suv resurslarini boshqarishni takomillashtirish va mintaqaviy hamkorlikni rivojlantirishga intiluvchi boshqa mutaxassislar bilan bo’lgan muloqotlar yanada ilhomlantirdi. Suv resurslarini boshqarishning kompleks yondashuvlarini muhokama qilish Markaziy Osiyoda barqaror va farovon rivojlanishga erishishda muhim ahamiyatga ega.
